جديد الغرباء الصعفوق وبنه؟ فى الاستراحة

السلام عليكم ورحمة الله وبركاته
بما اني :
عميد اعضاء المنتدى
وامام المحششين
وملك ملوك المنتدى
مكانتي العالمية ما تسمح لي اني انزل لأي مستوى آخر واكتب موضوع غيرمضحك في المنتدى
في يوم من الأيام كنت جالس افكر وافكر
وافكر...
ادور في مخي اي فكرة وكنت ابحث على الأفكار بيت بيت دار دار فرد فرد زنقة زنقة
وفجأة ولعت اللمبة اللي تدل على اني لقيت فكرة
يوم جيت بمسكها واشوف الفكرة اللي فيها
انكسرت
ورحت الكهربائي عشان اشتري لمبة جديدة
والحمدلله تم الموضوع بنجاح وشريت
اللمبة و شفت الفكرة الموجودة فيها
وقلت راح اكتبها في المنتدى
والله تعبتني هالمقدمه كله من كتاب (المقدمات والبثارة من اجل العيارة)
نبدأ القصة:
في يوم من الأيام وفي عام الف وتسع مائة وحطبة
كان هناك شخص يدعى صعفق
بن مقحاص
بن غثيث
الغدفش
صعفق هذا شخص محظوظ ولكن في النهاية الحظ ينقلب عليه
مثلا:
مرة من المراريت كان قاعد يلعب بلاي ستيشن وكل شوي يجيب هدف
وصارت النتيجة 10_0
شوي الا صعفق راح وترك البلاي ستيشن بدون مايضغط ستارت
رجع لقى المباراة منتهية والنتيجة





99_10
مسكين

المهم نبدأ بقصة صعفق
في الأستراحة
كان صعفق منشغل في البي بي حقه
وفجأة ترن ترن ترن ترن ترن ترن ترن
جرس الباب يرن راح وفتح الباب بس ماشاف احد رجع الأستراحة الا ويشوف
البي بي حقه ما هو موجود استغرب
وقال وين راح ؟؟؟؟؟؟؟؟؟؟؟؟؟؟؟؟؟؟؟؟؟؟
وقام يدور عليه في الثلاجه والفريزر والسياره والحمام بس في النهاية لقاه في يده وقال صعفق حكمته المشهورة
يلعن ام الحالة
يوم جات الساعه تسع ونص ركب صعفق سيارته الروز رايز
اقصد الددسن
على فكره الددسن حق صعفق ماله قطع غيار ابد
اساسا موديله انتهى انقرض من الوجود
اذا شفته من بعيد كأنك تشوف غيمة سودة من كثر الكربون اللي يطلع منه
المهم صعفق يوم وصل بيته وحط راسه على المخده وقعد يفلل في شعره
طبعا هو يتخيل انه يفلل شعره
لأن هو ماعنده شعر
قعد يقول ياناس وش هالحاله
والله اني زهقت من عيشتي خلاص انا قررت اتزوج وفي الصباح الباكر وعلى صوت نباح العصافير وزقزقة الأسود
وهديل الحمير>>اقول اسكت تراك فضحتنا
قام صعفق من النوم وغسل وجهه
ومن الحماس غسل وجهه بماي المرحاض وتسبح وحط صنفره ونزل من جسمه ديزل وبنزين وجميع المنتجات البتروليه فجأه طلع بريعصي من شعر ابطه مسكين اخر مرة تسبح فيها ما يذكرها ونزل صعفق وقعد مع ابوه واخوانه وفطر معاهم طبعا هذي المرة الأولى والأخيرة اللي يفطر فيها مع اخوانه
قال صعفق لأبوه مقحاص يبه انا عندي منك طلب قال ابوه ما انفذ طلبك الا اذى وصلت اخوانك المدرسة قال صعفق ابشر كم مقحاص عندي ماعندي الا مقحاص واحد صعفق بعد ما وصل اخوانه المدرسة
رجع البيت وقال لأبوه يبه انا قررت اتزوج قال ابوه:اخيرا ياولدي قررت تتزوج ما بغيت الحمدلله الظاهر ياولدي انك وعقلت و(طوط)
قال صعفق: من زمان انا (طوط) يا يبه وعشان كذا انا قلت ابغاك تزوجني قال ابوه: ومن تعيسة الحظ اللي بتتزوجها يا حمار قال الولد صيته بنت جارنا شلحاط
الأب يوم سمع كلمة شلحاط سكب القهوة في وجه صعفق وقال والله ما تاخذها وانا راسي يشم الهوى قال صعفق:الله يا يبه شوف هذا جدي غدفش تزوج اربع حريم ومافي احد قاله شي قال الأب:جدك غدفش كان شخص حكيم وصادق صدوق وما عنده يمين ويسار انسان سيده مو مثلك
قال صعفق:ابشر يا يبه خلاص ماراح اتزوجها وطلع من البيت وهو يبكي ويبكي وشكله يكسر الخاطر
وراح الأستراحه وقعد يفكر ويفكر وقال انا لازم اتزوج صيته حتى لو بالسر قرر انه بعد صلاة المغرب بيروح يخطبها من ابوها وابوه مايدري واذن المغرب وبعد الصلاة وبعد ما طلعوا الشياب من االمسجد
راح صعفق لبيت شلحاط وقعد عنده وتقهوه وقعد شلحاط نص ساعه وهو يسولف مع صعفق ويقوله عن بطولاته
وبعد ما خلص شلحاط من صواريخه اقصد سوالفه قال حق صعفق انت شفيك جاي هنا وش تبي قال صعفق:يا طويل العمر انا قررت اتزوج قال شلحاط:وشايفني خطابة قدامك يا ابن الـ (عيب)
قال لا لكن ان البنت اللي ابغى اتزوجها هي كريمتكم صيته يا طويل العمر قال شلحاط من نا حيتي انا موافق بس لازم نعطي البنت فرصه عشان تفكر قال صعفق طيب متى اجيك وتعطيني جواب بنتك قاله يوم الجمعة الجاي ومرت الأيام
وجا يوم الجمعه
وراح صعفق بيت شلحاط وقال : هاه يا عمي بشر وش راي بنتكم المصون قال والله ياولدي بنتنا قالت انها ما تبيك لأنك منت من مواخيذنا قال صعفق والدموع تملئ عينيه













اقول روح مالت عليك وعلى بنتك اللي يسمعك يقول بنتك انجلينا بنت جولي
ولا كارولينا زوجة جدي غدفش
ما اقول الا مالت عليك وعلى بنتك
شلحاط عصب وراح ومسك صعفق رماه
من السطح لين الشارع وشوي الا وشافه ابوه والأب عرف ان الولد راح يخطب بنت شلحاط وراح الأب ومسك صعفق وضربه ضربا موجعا ومبرحا حتى انفقعت عينيه
وكسرت يده وساقه وجمجمته
وحرم صعفق انه في يوم من الأيام يرفض راي ابوه
مايستفاد من القصة:
اذا ابوك قالك لا يعني لا
لا تغلط على احد من اشباه شلحاط
وبس انتهت القصة
وادعولي بالشفاء
والله الله
بالردود
+
التقييم
ومع السلامه يا جماعة الربع

مشكوووووووووور على الشغل الجامد خيووووووووووووو

مشكور ويعطيك الف عافية